प्रभू रामाच्या नावे राजकारण करणे वेगळे आणि भक्ती वेगळी- जितेंद्र आव्हाड

जितेंद्र आव्हाड यांच्या हस्ते नाशिकमध्ये दिवंगत शिवसेनाप्रमुख बाळासाहेब ठाकरे यांच्या नावे कोविड रुग्णालयाचे उद्घाटन करण्यात आले. प्रभू रामचंद्र कोणाच्या सातबारावर नाहीत. तो सातबारा कोणाच्या मालकीचा नाही. रामाच्या नावे राजकारण करणे वेगळे आणि भक्ती करणे वेगळे. असे म्हणत त्यांनी भाजपावर निशाणा साधला आहे.

ज्याच्या मनात आई-वडिलांबद्दल आत्मीयता आहे. ज्याच्यात मर्यादा आहेत, त्याच्यात कुठेतरी राम लपलेला आहे, मर्यादा पुरुषोत्तम राम असे आपण म्हणतो. त्यामुळे हे भूमिपूजन करत आहेत त्याचे एवढे काही नाही. त्यांना वाटतंय ते करत आहेत, असे जितेंद्र आव्हाड यांनी म्हटले आहे.

दरम्यान, पंतप्रधान नरेंद्र मोदी यांच्या हस्ते 5 ऑगस्ट रोजी अयोध्येत राम मंदिराचे भूमिपूजन करण्यात येणार आहे. भूमिपूजनासाठी जोरदार तयारी देखील सुरू करण्यात आली आहे.